XORNADAS PARA O FOMENTO DO EMPRENDEMENTO NA SEDE DA FUNDACIÓN JUANA DE VEGA

O vindeiro martes 19 de febreiro terá lugar, na seda da Fundación Juana de Vega, a primeira Xornada para o Fomento do Emprendemento no Medio Rural, enmarcada no Programa Integrado para o Emprego “Rural-Emprega” que está a desenvolver o GDR Mariñas – Betanzos, co apoio da Fundación Juana de Vega, o Instituto Galego de Promoción Económica (IGAPE), a Rede Eusumo e a Consellería de Traballo e Benestar da Xunta de Galicia.

Desde o GDR “Mariñas – Betanzos”, a través do Programa Integrado para o Emprego “Rural – Emprega”, así como desde a Fundación Juana de Vega, a través do I Programa de Apoio ao Emprendemento Agroalimentario, estase a fomentar e apoiar distintas iniciativas emprendedoras no medio rural co obxectivo de xerar oportunidades para as persoas desempregadas, orientadas ao autoemprego.

A xornada do próximo martes será a primeira dun ciclo de xornadas, que terá lugar na sede da Fundación Juana de Vega (CÓMO CHEGAR Á FUNDACIÓN JUANA DE VEGA), entre as 10 e 14 horas:

• Xornada 1. “A produción ecolóxica e retos para a súa comercialización nos circuitos curtos”. Martes 19 de Febreiro.
• Xornada 2. “Transformados: produción e comercialización”. Luns 25 de Febreiro.
• Xornada 3. “Obradoiro: cooperativismo e coworking”. Luns 4 de Marzo.
• Xornada 4. “Claves para emprender con éxito”. Luns 11 de Marzo.
• Xornada 5. “Emprego verde e economía sostible”. Luns 18 de Marzo.
• Xornada 6. “Emprendemento: estudo de mercado, plan de márketing e deseño de produto”. Luns 25 de Marzo.
• Xornada 7. “O estado da ciencia e oportunidades para o emprendemento no sector agroalimentario I”. Luns 22 de Abril.
• Xornada 8. “O estado da ciencia e oportunidades para o emprendemento no sector agroalimentario II”. Luns 29 de Abril.
• Xornada 9. “Oportunidades para o financiamento e apoio a iniciativas emprendedoras I”. Luns 6 de Maio.
• Xornada 10. “Oportunidades para o financiamento e apoio a iniciativas emprendedoras II”. Luns 13 de Maio.

Entre os obxectivos destas xornadas están os de:

• Identificar oportunidades de autoemprego con base ao aproveitamento dos recursos locais.
• Proporcionar aos participantes os coñecementos e ferramentas para a posta en marcha dunha iniciativa de autoemprego.
• Propiciar a reflexión sobre as oportunidades emprendedoras existentes no territorio de “Mariñas – Betanzos”.
• Fomentar o autoemprego e o cooperativismo.
• Animar a cooperación entre os emprendedores e o desenvolvemento de espazos para esa cooperación.

Estas xornadas están dirixidas ás persoas desempregadas que están a participar no Programa Integrado para o Emprego “Rural-Emprega”.

NO SEGUINTE ENLACE PODES DESCARGAR O PROGRAMA DAS 4 PRIMEIRAS XORNADAS: PROGRAMA